National Subaybayani Award 2024 - Local Government Unit Exemplar

Isa na namang karangalan para sa ating mga Taytayeños! Ang Bayan ng Taytay ay ginawaran ng prestihiyosong parangal sa ginanap na SUBAYBAYANI AWARDS 2024 ng Department of the Interior and Local Government (DILG).

Sa kabuuang 1,493 na munisipalidad sa buong bansa, at bilang tanging munisipalidad sa Lalawigan ng Rizal, pinarangalan ang ating bayan dahil sa mahusay na pag-implementa ng mga pampublikong proyekto at mga programa.

Tumanggap din ang Pamahalaang Panlalawigan ng Rizal ng parangal bilang National Finalist at Top Performing Province sa buong bansa, isang patunay ng mataas na kalidad ng pamumuno at serbisyo sa buong lalawigan.

Ang pagkilalang ito ay magsisilbing inspirasyon at motibasyon upang patuloy na paunlarin ang pamumuhay ng bawat Taytayeño. Higit pa rito, magpapatuloy tayo sa pagbibigay ng Serbisyong May Ngiti, na layuning magdala ng mas maraming tagumpay at pag-unlad sa ating bayan.

Para sa Diyos, Bayan at Kababayan.

Tara na! Let's Smile Taytay!